БУКВАР — македонска азбука за деца
Верзија 1.0 · Подарок за малите луѓе од AST · https://ruski.com.mk/programi/soft

ЗА ШТО Е
Букварот е за деца што уште не знаат да читаат, па сè се води со глас.
• 31 буква: секоја со слика, збор и глас. Буквата сама се црта, потег по потег.
• „Тест“: 10 прашања — која буква оди со сликата, или која слика оди со буквата.
• „Најди ја буквата“: детето го слуша зборот и ја бара буквата во него.
• Тивка музика како од вергл, со копчето 🎵 горе десно се гаси и пали.
• Работи без интернет, без регистрација и без реклами.

WINDOWS — СО ИНСТАЛАЦИЈА
1. Отворете AST-Bukvar-Setup-1.0.0.exe и притиснете „Инсталирај“.
2. Букварот се појавува во Start и, по избор, на Desktop како „Буквар“.
Инсталацијата е само за тековниот корисник и не бара администраторски права.
Се отвора во Chrome или Edge (Edge го има на секој Windows 10 и 11).
Звуците се вградени во Букварот, па не зависи од гласовите на системот.
Отстранување: Settings → Apps → Installed apps → Буквар → Uninstall.

WINDOWS — БЕЗ ИНСТАЛАЦИЈА (ZIP, без .exe)
Оваа верзија нема извршна програма, па антивирусите не ја закачаат.
1. Распакувајте го целиот ZIP во една папка (на пример во Documents).
2. Стартувајте „Буквар.cmd“ (двоен клик). Тоа е обичен текстуален фајл што
   го отвора Букварот во Chrome или Edge, на цел прозорец.
Може и само Bukvar.html да се отвори со кој било прелистувач — звуците се вградени.
Во прелистувачот, ако не се слуша глас, притиснете „▶ Почни“.

ANDROID
Видете Upatstvo-Android.txt.

КАКО СЕ КОРИСТИ
• На почетниот екран притиснете буква.
• ◀ ▶ — претходна и следна буква, 🏠 — сите букви.
• 🔊 Повтори — гласот повторно ги кажува буквата и зборот.
• ✏️ Нацртај пак — буквата повторно се црта.
• На тастатура: стрелки лево/десно, празно место за повторување, Esc за почеток.

ВАЖНО
Инсталаторот нема комерцијален дигитален потпис, па Windows SmartScreen или
антивирусот може да прикажат предупредување („Windows protected your PC“).
Тогаш изберете „More info“ → „Run anyway“, но само ако датотеката е преземена
од официјалната страница. Не ја исклучувајте заштитата.