AST КРОЕЊЕ (НАПРЕДНА ВЕРЗИЈА) — УПАТСТВО
Верзија 1.0.0 — 21.10.2026

ИНСТАЛИРАЊЕ И ДЕМО
Стартувајте го Setup фајлот. Потребни се Windows 10/11, .NET Framework 4.8 и Windows PowerShell 5.1. Инсталацијата е само за тековниот Windows корисник и создава кратенки на Desktop и во Start Menu (АST Кроење, Регистрација, Деинсталирај).
Демо-периодот е 30 дена од првата инсталација. Повторна инсталација за истиот Windows корисник не го обновува периодот. По истек, обработката се блокира, но внесувањето регистрациски клуч останува достапно.

РЕГИСТРАЦИЈА
Отворете ја кратенката „Регистрација" (или стартувајте ја програмата со /register). Прозорецот ја покажува шифрата ASTP-XXXX-XXXX-XXXX-XXXX. Испратете ја до издавачот и внесете го добиениот клуч или отворете ја .astlic датотеката. Клучот е врзан за овој компјутер; може да биде со рок или без рок.

ШТО НУДИ НАПРЕДНАТА ВЕРЗИЈА
- Кроење иверица со гилотински оптимизатор и прави резови (како Lite).
- Корпуси и елементи: плакари, витрини, кујни, полици и сетови делови.
- Оков, дупчење и позиции за монтажа.
- Технички цртеж (скица) и разложени документи.
- Печатење и PDF извоз.
- Офлајн препознавање слика (структура на мебел, не мерки).
- Увоз и извоз на MawinHal XML за размена со автоматски пили.

ОФЛАЈН ПРЕПОЗНАВАЊЕ
Препознавањето користи локален модел (Qwen3-VL преку llama.cpp). Еднократно се презема околу 2 GB преку Postavi-OfflineAI.ps1 (во папката на програмата) — интернет е потребен само при оваа подготовка, не при користењето. Setup нуди подготовка веднаш или подоцна. Моделот ја препознава структурата (врати, прегради, фиоки), не мерките; мерките ги внесувате вие.

ПРОЕКТИ И ПОДАТОЦИ
Проектите и PDF се зачувуваат во %LOCALAPPDATA%\ASTKroenje\Data и не се бришат при деинсталација. Програмските фајлови се во %LOCALAPPDATA%\ASTKroenje\App. Нов Setup ги обновува програмските фајлови и ги чува податоците и регистрацијата. Правете сопствена резервна копија на Data.

MAWINHAL РАЗМЕНА
Увоз го задржува зачуваниот распоред; извоз го враќа изворот непроменет или запишува нови AST позиции со кант. Проверен е форматот на Mawinhal 1.1.937. MawinHal XML не е машинската програма — машинскиот фајл (.NCR/.HHA/.CPO и сл.) го прави контролерот/MawinHal. Проверете број на парчиња, мерки, кантови и машински излез кај примачот.

АНТИВИРУСНО ИЗВЕСТУВАЊЕ
Setup-от и програмата немаат Windows дигитален потпис и користат вграден Windows PowerShell. Антивирус или Windows SmartScreen може да прикажат предупредување, вклучително и лажно позитивно. Проверете го изворот и конкретната детекција пред да продолжите.