ДОМА — ДОМАШНИ СМЕТКИ
Бесплатна офлајн верзија 0.5 · AST · Anfil Software Team 2026

ИНСТАЛАЦИЈА НА WINDOWS
Отворете AST-Doma-Setup-0.5.0.exe и изберете „Инсталирај“.
Инсталацијата е само за тековниот корисник, без администраторски права.
Потребни се Windows 10 или 11 и .NET Framework 4.8. Програмата се отвора во
свој прозорец преку Microsoft Edge WebView2 Runtime, кој е вграден во Windows.
Ако недостига, програмата нуди официјално преземање од Microsoft.
Програмата се сместува во %LOCALAPPDATA%\Anfil\Doma\App со кратенки во Start
и, по избор, Desktop. Записите се чуваат во %LOCALAPPDATA%\Anfil\Doma.
За надградба пуштете го новиот инсталатор; ако програмата е отворена,
инсталаторот ја затвора. За отстранување: Windows → Installed apps →
Дома — домашни сметки. Евиденцијата, конфигурацијата и копиите остануваат.
Сепак, редовно правете JSON резервни копии.
Инсталаторот нема Authenticode потпис; преземајте го од вашиот официјален извор.
https://www.anfil.com.mk

НАДГРАДБА ОД 0.4 ИЛИ ПОСТАРА ВЕРЗИЈА
Претходните верзии ги чуваа записите во Microsoft Edge. Новиот прозорец има
свое складиште, па записите се пренесуваат еднаш, со JSON копија:
1. Во новата програма кликнете „Отвори ја старата верзија“ (се отвора во Edge).
2. Во старата: Податоци и копии → Зачувај резервна копија.
3. Во новата: Податоци и копии → Врати од копија и изберете ја зачуваната датотека.
Старата евиденција во Edge не се брише.

НОВО ВО ВЕРЗИЈА 0.5
• Сопствен прозорец за Windows. Линковите за плаќање се отвораат во вашиот
  стандарден прелистувач (Chrome, Edge, Firefox…), каде сте веќе најавени.
• Потсетник при вклучување на компјутерот: 5 минути по најавувањето, со најнизок
  приоритет, се проверуваат сметките. Ако има сметка во периодот на нејзиниот
  аларм, долу десно се појавува тивко Windows известување со називите и роковите,
  без износи. Најмногу еднаш дневно; не се појавува ако програмата е отворена.
  Клик на известувањето ја отвора програмата. Се вклучува/исклучува во
  инсталаторот или со копчето најдолу во програмата.
• Предлози за линк за плаќање: под полето за линк, според видот на трошокот,
  се нудат ЕВН Хоум, Водовод Скопје, Македонски Телеком и А1 Македонија.
  Ништо не се пополнува без ваш клик. Проверете дека адресата е официјалната
  страница на вашиот снабдувач.
• Резервните копии и извештаите се зачувуваат со дијалог „Зачувај како“.
• Прозорецот ја памети својата големина и позиција.

НОВО ВО ВЕРЗИЈА 0.4

Може да внесете само www.example.com или example.com/pay — се додава https://.
Под AST е додаден Anfil Software Team 2026 со линк до anfil.com.mk.
Достапен е самостоен Windows инсталатор за преземање од веб.

ПОЧЕТОК НА WINDOWS БЕЗ ИНСТАЛАЦИЈА (ZIP)
Оваа варијанта нема потсетник при вклучување и записите ги чува во Edge,
одделно од инсталираната програма.
1. Распакувајте го ZIP-от во постојана папка, на пример Documents\Doma.
2. Стартувајте START.cmd. Ако Edge е инсталиран, ќе се отвори посебен прозорец.
   На овој компјутер има и Desktop кратенка „Doma - Domasni smetki“.
   Може и директно да се отвори Doma-Smetki.html со Microsoft Edge.
3. Не е потребен интернет, сервер, регистрација или дополнителна инсталација.
4. Првиот екран нуди „Внеси прв трошок“. Изберете група, па конкретен вид.
   Комуналии: струја, вода и ѓубретарина, греење, интернет, телевизија, телефон.
   Кирии и кредити: кирија, кредитна рата, станбен кредит.
   Образование: училишни трошоци, курсеви, градинка.
   Разни други: одржување, превоз, здравство, претплати и сопствен трошок.
5. Внесете износ, вообичаен ден и конкретен рок за оваа сметка.
   Алармот се вклучува за секој трошок одделно, од 0 до 30 дена порано.
   По избор внесете линк за онлајн плаќање што почнува со https://.
6. Ако веќе е платено, означете го тоа и внесете датум и платен износ.
   Поддржани се и делумни уплати. Запомнувањето како редовен трошок ги чува
   вообичаениот ден, алармот и линкот за идните месечни сметки.
7. Штом има внесен трошок, целата воведна страница се прескокнува.
   Постојните записи се зачувуваат; не треба да ја започнувате евиденцијата одново.
Нема временско ограничување.

ПОПРАВКА ВО ВЕРЗИЈА 0.3.1
• HTTP линковите автоматски се префрлаат на HTTPS при зачувување.
• Грешката при зачувување се доведува во видливиот дел од формата и добива фокус.
• Неуспешен внес не ги менува записите; по корекција се зачувува една сметка.

НОВО ВО ВЕРЗИЈА 0.3
• Кафеава палета и слоган под логото.
• Имињата на месеците се на македонски; месецот и годината се избираат посебно.
• Називите, добавувачите, белешките, името на домот и пребарувањето автоматски
  се претвораат од латиница во македонска кирилица додека пишувате или лепите.
  Примери: sh → ш, ch → ч, gj → ѓ, kj → ќ, lj → љ, nj → њ.
  Линковите, корисничките броеви, фактурните шифри и износите не се менуваат.
  Веќе зачуваната евиденција не се препишува автоматски.
• Посебно мени „Вонредни трошоци“: регистрација на возило, осигурување,
  поправки и други повремени обврски. Секој има конкретен рок и сопствен аларм.
  Овие трошоци не се додаваат како месечни шаблони. Влегуваат во вкупниот
  месечен преглед, а во своето мени се прикажуваат посебно.
• При нов внес може да изберете „Редовен / месечен“ или „Вонреден / повремен“.
За новите резервни копии користете ја оваа или понова верзија на програмата.

ШТО МОЖЕ
• Сметки по месеци: назив, добавувач, категорија, износ, рок, број и белешка.
• Целосни и делумни уплати со датуми и историја; поништување погрешен запис.
• Платени, неплатени и задоцнети сметки, пребарување и преглед на трошоци.
• Редовни трошоци како шаблони: додавањето за нов месец е по ваше барање.
  Новите записи се планирани — проверете ги износите со вистинските фактури.
• Звучен потсетник додека програмата е отворена, со опција во Поставки.
• Извоз на неплатените сметки во календарска .ics датотека со аларм.
• Excel-читлив CSV извештај, печатење, JSON резервна копија и враќање.
ЛИНК ЗА ОНЛАЈН ПЛАЌАЊЕ
Копчето „Плати онлајн“ го отвора внесениот линк во нов прозорец/јазиче.
За ова е потребен интернет. Линкот е по ваш избор; проверете дека е официјалната
страница на примачот. Не внесувајте корисничко име, лозинка или картичка во
полето за линк. Внесените HTTP адреси автоматски се зачувуваат како HTTPS, без вградени лозинки.
По извршено плаќање вратете се и изберете „Евидентирај уплата“.
Самото отворање на линкот не ја означува сметката како платена.
Ова е евиденција. Не се вршат банкарски плаќања.

ВАЖНО ЗА ПОДАТОЦИТЕ
Податоците се чуваат во локалната меморија на прелистувачот, НЕ во HTML-от.
Испраќање на HTML-от на друг човек не ги испраќа вашите сметки.
Чувајте го HTML-от на иста патека и отворајте го со истиот прелистувач и профил.
Приватен режим, промена на патека или чистење на прелистувачот може да направат
записите да исчезнат или да станат недостапни. Пред промени, ажурирање или
префрлање на друг уред, користете Податоци и копии → Зачувај резервна копија.
Податоците и копиите не се шифрирани. Чувајте ги на ваш заштитен уред.
JSON е целосна копија. CSV е само извештај и не се увезува назад.
Враќањето JSON ја заменува целата евиденција; не ги спојува двата уреда.
Во оваа верзија нема автоматска синхронизација. Избегнувајте паралелно
уредување на различни уреди или во повеќе прозорци.

АЛАРМ И КАЛЕНДАР
Во Поставки вклучете звук и одберете колку дена пред рок да се потсетува.
Се проверуваат сите месеци, вклучувајќи стари неплатени сметки, само ако за
конкретниот трошок е вклучен аларм. Секој трошок има свој број на денови порано.
Звукот зависи од прелистувачот и може да бара клик на страницата.
Не работи кога програмата е затворена или уредот спие. Инсталираната Windows
верзија дополнително известува 5 минути по вклучување на компјутерот.
За независен аларм извезете .ics преку Податоци и копии, увезете го во вашиот
календар и проверете ги дозволите и времето на алармот. Некои календари ги
игнорираат увезените аларми; направете пробен настан пред да се потпрете на нив.
Календарските настани се посебна копија. Измените/плаќањата во „Дома“ не ги
ажурираат автоматски. Рачно избришете или изменете ги непотребните настани.

ТЕЛЕФОН
За Android користете ја посебната апликација AST-Doma-Android-0.5.0.apk
(упатство: Upatstvo-Android.txt). JSON копијата е иста за Windows и Android.

ЗА ПРОГРАМЕРОТ
src/ го содржи изворниот код, build.py прави еден самостоен HTML.
node tests/core.test.cjs ги проверува пресметките и форматите.
node tests/offline.cjs прави изолиран Edge тест со исклучена мрежа.
Корисниците треба да го добијат само AST-Doma-Offline-0.5.zip.

Windows setup: python Installer/build.py (ги презема и проверува WebView2 библиотеките)
Paket za web: python Installer/package.py