домаДОМАШНИ СМЕТКИAnfil Software Team 2026 ↗
БЕСПЛАТНО · БЕЗ РЕГИСТРАЦИЈА · ОФЛАЈН

Вашите сметки.
На компјутер или на телефон.

Не можеме да ги платиме вашите сметки, но можеме да ви помогнеме да не ги заборавите.

Windows

За компјутер

Прегледна евиденција на голем екран, со кратенка за лесно отворање.

  • Редовни и вонредни трошоци
  • Рокови и евиденција на уплати
  • Резервни копии и извоз за Excel
  • Потсетник при вклучување на компјутерот
↓ Преземи за Windows

Верзија 0.5.0 · 1488 KB · Инсталациска датотека (.exe)

Без инсталација (.zip)Упатство за Windows

За инсталираното издание: Windows 10 или 11 и .NET Framework 4.8 (WebView2 е вграден во Windows). HTML-изданието без инсталација не бара .NET и нема потсетник при вклучување.

Пробна верзија

За Android телефон

Вашите обврски при рака, со локално зачувување во апликацијата.

  • Внесување сметки без интернет
  • Пренос на JSON-копии од компјутер
  • Подготвени дневни потсетници
↓ Преземи за Android

Верзија 0.5.0 · 57 KB · Android 8+ · Датотека (.apk)

Упатство за AndroidКако се инсталира?

Потребен е ажуриран Android System WebView. Ова е пробно издание: известувањата и системските дијалози сè уште не се проверени на телефон или емулатор. Преземањето е директно, надвор од Google Play.

Запомнете ги редовните обврски

Струја, вода, интернет, кирија, кредит — зачувајте ги како шаблони за следниот месец.

Следете што останува

Запишете целосна или делумна уплата, со датум, и видете што уште не е подмирено.

И за повремените трошоци

Регистрација, осигурување или поправка — со посебен рок и сопствен потсетник.

Пред да започнете

Како да ја инсталирам Android верзијата?
  1. Преземете ја APK-датотеката на Android телефонот и отворете ја од „Преземања“.
  2. Ако телефонот побара, дозволете инсталирање од конкретниот прелистувач или менаџер на датотеки. По инсталацијата можете повторно да ја исклучите дозволата.
  3. Отворете „Дома“ и пробајте внесување сметка, повторно отворање и зачувување резервна копија.
  4. За потсетници притиснете „Известувања на телефонот“ на дното во апликацијата. Телефонот може да ги одложи известувањата поради штедење батерија.

Не исклучувајте Play Protect. Ова издание е за Android; не е за iPhone.

Како се инсталира на компјутер?

Отворете ја преземената .exe-датотека и изберете „Инсталирај“. Кратенката ќе биде достапна во Start и, по избор, на Desktop. Ако користите ZIP, распакувајте го и следете го приложеното упатство.

Инсталаторот нема комерцијален дигитален потпис, па Windows или антивирусот може да прикаже предупредување. Проверете го изворот и датотеката; не исклучувајте ја заштитата.

Може ли да ги пренесам сметките меѓу компјутерот и телефонот?

Да. Во „Податоци и копии“ зачувајте JSON-копија, пренесете ја на другиот уред и увезете ја таму. Увозот ја заменува целата постојна евиденција; не ги спојува записите. Нема автоматска синхронизација.

Кога работат потсетниците?

На Windows звучното потсетување работи додека програмата е отворена и прелистувачот го дозволува. Достапен е и извоз во календар. Android изданието има подготвена дневна проверка околу 09:00, со дозвола за известувања и можно одложување од телефонот; ова треба да се потврди на вашиот уред.

Дали Дома ги плаќа сметките?

Дома води евиденција. Може да ја отвори страницата за плаќање што самите сте ја внеле; уплатата ја извршувате кај давателот на услугата и потоа ја запишувате во Дома.

Како да ги зачувам податоците при надградба?

Пред надградба направете JSON резервна копија. На Android инсталирајте ја новата верзија преку постојната, без деинсталирање. Деинсталирање или бришење на податоците на апликацијата ја брише локалната евиденција.

Проверка на преземените датотеки

SHA-256 за Windows инсталаторот:

02044305f122d0f0662d3299cd59ea64d11ee3f254295c6078ee75e394c1c409

SHA-256 за Android APK:

e6315c9174265ca8c7a898d4cbef197c2c962181b0415c3298704f929427765a

Преземи ги сите контролни суми